Þessi spá er hluti af spá Karfan.is fyrir NBA tímabilið 2017-2018.
Milwaukee Bucks
Heimavöllur: BMO Harris Bradley Center
Þjálfari: Jason Kidd
Helstu komur: Enginn
Helstu brottfarir: Michael Beasley
Milwaukee Bucks eru á mjög áhugaverðum stað í sinni tímalínu. Þeir eru orðnir nógu góðir til þess að vera augljóst úrslitakeppnislið en samt ekki alveg nógu sterkir til þess að fara lengra heldur en það. Það verður gaman að fylgjast með áframhaldandi risi hins stórskemmtilega Giannis Antetokounmpo.
Styrkleikar liðsins felast mestmegnis í fyrrnefndum Giannis, ásamt því að Khris Middleton er frábær leikmaður og einn sá alvanmetnasti í deildinni. Þessi tveir eru frábærir á báðum endum vallarins, bættu við rulluspilurum og fínum þjálfara og þetta er einfaldlega uppskrift af góðum grunni fyrir gott lið.
Veikleikar liðsins eru að þeim vantar betri skyttur, bakverðir liðsins eru af skornum skammti og eru einfaldlega meðalmenn. Liðið í heild er líka ágætt en ekkert mikið meira en það. Bucks liðið var númer 13 í sókn í fyrra og 17 í vörn, alger meðalmennska sem ég býst við að þeir verði enn fastir í.
Líklegt byrjunarlið í fyrsta leik:
Malcolm Brogdon
Khris Middleton
Giannis Antetokounmpo
Mirza Teletovic
Thon Maker
Fylgstu með: Giannis Antetokounmpo er einn alskemmtilegasti og besti leikmaður deildarinnar, reyndu að fylgjast ekki með.
Gamlinginn: Jason Terry (40). Þotan mun henda í nokkra þrista en mun sennilega ekki spila mikið í vetur.
Spáin: 44–38 – 5. sæti
15. Chicago Bulls
14. Brooklyn Nets
13. New York Knicks
12. Orlando Magic
11. Atlanta Hawks
10. Indiana Pacers
6. Miami Heat
5. Milwaukee Bucks
4.
3.
2.
1.
