NBA - Upphitun og spá Karfan.is

Philadelphia 76ers - Treystu ferlinu

11.okt.2017  15:19 sigurdur.orri.kristjansson@gmail.com

Austurdeildin 9. sæti: Philadelphia 76ers

Þessi spá er hluti af spá Karfan.is fyrir NBA tímabilið 2017-2018.

 

Philadelphia 76ers

 

Heimavöllur: Wells Fargo Arena

Þjálfari: Brett Brown

 

Helstu komur: Markelle Fultz, JJ Redick, Amir Johnson.

Helstu brottfarir: Sergio Rodriquez.

 

Ferillinn (e. The Process) er að komast á lokastig, Sixers voru enn einu sinni með háan valrétt í vor og völdu Markelle Fultz. Fyrir eru þeir Ben Simmons og Joel Embiid. Allir þessir þrír leikmenn eru afskaplega efnilegir, Joel Embiid sýndi meira að segja í fyrra að hann er tilbúinn til þess að valda virkilegum usla ef hann helst heill.

 

Styrkleikar liðsins eru þessir frábæru ungu leikmenn. Embiid er frábær, Ben Simmons hefur litið virkilega vel út á undibúningstímabilinu og Fultz hefur sýnt glefsur. JJ Redick kemur með virkilega mikilvæga reynslu inn í þetta unga lið og svo er Robert Covington verulega skemmtilegur leikmaður, fín skytta og góður varnarmaður.

 

Veikleikarnir eru auðvitað reynsluleysi, meiðslahætta og lítil breidd. Ég get ekki ímyndað mér hvernig þetta lið á að vera gott varnarlega þegar að Embiid sest á bekkinn, sem verður sennilega í svona 40 leiki. Sóknarleikurinn verður líka vandamál, allavega framan af. Það einfaldlega gerist þegar að nýliða eru afhentir lyklarnir að sókninni

 

Líklegt byrjunarlið í fyrsta leik:

Ben Simmons
Markelle Fultz
JJ Redick
Robert Covington
Joel Embiid

 

 

Fylgstu með: Ben Simmons. Margir (þar á meðal undirritaður) hafa beðið spenntir eftir þessum hávaxna leikstjórnanda.

Gamlinginn: JJ Redick (33) er ein af allra bestu skyttum deildarinnar, það verður gaman að sjá honum bomba niður nokkrum þristum á austurströndinni.  

 

 

Spáin: 35–47 – 9. sæti   

 

 

15. Chicago Bulls

14. Brooklyn Nets

13. New York Knicks

12. Orlando Magic

11. Atlanta Hawks

10. Indiana Pacers

9. Philadelphia 76ers

8.

7.

6.

5.

4.

3.

2.

1.