Zaragoza slapp með sigur gegn Manresa

Íslendingaslagur var á boðstólunum í ACB deildinni á Spáni í dag þegar Jón Arnór Stefánsson og félagar í CAI Zaragoza heimsóttu Hauk Helga Pálsson og Assignia Manresa. Skemmst er frá því að segja að Zaragoza nældi sér í 75-82 sigur á útivelli þar sem Jón skoraði 7 stig.

 

Haukur Helgi Pálsson kom ekki við sögu í leiknum að þessu sinni en Jón var sem fyrr atkvæðamikill í liði Zaragoza með 7 stig og 5 fráköst.

 

Manresa er nú komið eitt á botn ACB deildarinnar en Zaragoza fór upp í 7. sæti með sigrinum. Í hálfleik var staðan 28-39 fyrir Zaragoza eftir góðan lokasprett á fyrri háflleik. Manresa opnaði síðari hálfleik af krafti og minnkaði muninn í 47-49 en Zaragoza var ávalt við stýrið og kláraði 75-82.