Will Ferrell fer allt annað en hefðbundnar leiðir og í gærkvöldi tók hann að sér starf “Rauð Jakka” á leik LA Lakers og Pheonix Suns. Fyrir þá sem ekki vita hvað “Rauð Jakki” er þá eru það þeir sem sjá um að áhorfendur hagi sér á leikjum þegar leikhlé og hálfleikur er á leikjum í Staples Center. Líkast til hafa allir séð þessa menn á parketinu en ekki pælt hugsanlega mikið í því en þeir eru einmitt frægir fyrir það að vera í þessum Ferrari rauðu jökkum.
Á myndbandinu hér að neðan má sjá Will Ferrell í starfi sínu og tekur því alvarlega. Meðal annars finnur hann einn “áhorfanda” sem virðist vera með skæting og leiðir hann út úr húsi.
