Undir 20 ára karlalið Íslands leikur þessa dagana á Evrópumóti í Matosinhos í Portúgal. Í dag sigraði liðið lokaleik sinn gegn Georgíu með 4 stigum, 94-90. Endaði liðið því í 7.sæti Evrópumóts þessa árs.
Leikur dagsins var spennandi allan tímann, þó svo að Ísland hafi haft yfirhöndina lungann úr honum. Undir eftir fyrsta leikhluta, 20-22, en svo komnir yfir í hálfleik, 48-43.
Í seinni hálfleiknum var það sama uppi á teningnum. Ísland hélt forystu sinni. Vörðust áhlaupum Georgíu með miklum glæsibrag og sigruðu að lokum með 4 stigum, 94-90.
Orri Hilmarson var atkvæðamestur fyrir Ísland í leiknum með 22 stig, 3 fráköst og 2 stoðsendingar.
