Fjórði leikdagur í undankeppni Eurobasket fór fram og var leikið í öllum riðlum. Nokkuð var um óvænt úrslit í mótinu.
Eins og við vitum tapaði Ísland nokkuð óvænt fyrir Sviss með þrem stigum. í hinum leik A-riðils vann Belgía öruggan 17 stiga sigur á Kýpur.
Danmörk hleyptu B-riðli uppí háaloft í gær með mjög óvæntum sigri á Þýskalandi. Þar munar einungis tvem stigum á efsta sæti og því síðasta og allt getur gerst. Þjálfari Danmerkur er Pieti Poikola sem þjálfaði Tindastól í byrjun síðasta tímabils. Þá er aðstoðarþjálfari liðsins Israel Martin sem er skagfirðingum góðkunnur.
Staðan í dag er þannig að Ísland er ekki meðal þeirra þjóða sem hafa bestan árangur í sæti tvö í riðlunum. En á eftir að leika nóg af körfubolta á mótinu og óvænt úrslit gærkvöldsins sýna að allt getur gerst.
Öll úrslit gærdagsins má sjá hér að neðan:
Kýpur 55-72 Belgía
Búlgaría 67-72 Úkraína
Sviss 83-80 Ísland
Hvíta Rússland 79-63 Eistland
Slóvakía 62-99 Svartfjallaland
Danmörk 106-102 Þýskaland (Tvíframlengt)
Albanía 64-84 Georgía
Portúgal 74-81 Pólland
Lúxemborg 74-82 Makedónía
Bretland 80-88 Ungverjaland
Kósovó 81-91 Slóvenía
Bosnía 67-78 Rússland
Austurríki 61-75 Holland
Stöðuna í riðlunum má sjá hérna.
Mynd / FIBA
