Sex leikir fóru fram í NBA deildinni í nótt.
Í Toyota höllinni í Houston lögðu heimamenn í Rockets lið Memphis Grizzlies með 112 stigum gegn 94. Eftir fremur hæga byrjun á tímabilinu eru Rockets nú komnir á flug og í fjórða sæti Vesturstrandarinnar. Mikið til er það að þakka frammistöðum verðmætasta leikmanns deildarinnar á síðasta tímabili, James Harden.
Líkt og síðustu vikur var það einmitt Harden sem var atkvæðamestur Houston manna, skoraði 57 stig, tók 9 fráköst og gaf 2 stoðsendingar. Fyrir Grizzlies fór leikstjórnandinn Mike Conley fremstur í flokki, skoraði 14 stig, tók 7 fráköst og gaf 7 stoðsendingar.
https://www.youtube.com/watch?v=lQLkGTLytss
Úrslit næturinnar:
Boston Celtics 102 – 109 Brooklyn Nets
Memphis Grizzlies 94 – 112 Houston Rockets
Charlotte Hornets 108 – 93 San Antonio Spurs
Detroit Pistons 94 – 100 Utah Jazz
Portland Trail Blazers 107 – 115 Sacramento Kings
New Orleans Pelicans 121 – 117 LA Clippers
