Sextán liða úrslit Geysisbikarsins fóru af stað í dag þar sem leikið er í bæði karla- og kvennaflokki.
Fyrsti leikurinn fór fram fyrr í dag þar sem Grindavík fór auðveldlega í gegnum stjörnumprýtt lið Njarðvíkur B. Lokastaðan 107-80, Hlynur Hreinsson var stigahæstur hjá Grindavík með 19 stig.
Gunnar Einarsson var stigahæstur hjá Njarðvík B með 18 stig en Magnús Þór Gunnarsson endaði með 14 stig, en hann skaut 14 þriggja stiga skotum í leiknum og hitti fjórum.
Fyrsti leikur í Geysisbikar kvenna er nýlokið en þar vann ÍR nauman sigur á Keflavík B í æsispennandi leik. Lokatölur voru 63-62 en Nína Jenný Kristjánsdóttir var stigahæst hjá ÍR með 25 stig.
Fleiri leikir eru í kvöld. Meðal annars úrvalsdeildarslagur Stjörnunnar og KR sem er nú í gangi.
Geysisbikar kvenna:
Stjarnan KR – kl. 16:00
Njarðvík Skallagrímur – kl. 14:30
Geysisbikar karla:
KR KRb – kl. 18:00
ÍR ÍA – kl. 18:00
