Grindavík hefur samið við Odd Rúnar Kristjánsson um að leika með liðinu á komandi tímabili í Bónusdeild karla. Staðfestir félagið þetta á samfélagsmiðlum fyrr í dag.
Oddur Rúnar kemur til Grindavíkur frá nýliðum KR, en þar var hann hluti af liði sem tryggði sig beint upp í Bónusdeildina á síðustu leiktíð. Síðast lék hann í efstu deild fyrir Njarðvík tímabilið 2022-23.
Segja má að Oddur sé að snúa aftur til Grindavíkur, en hann var á mála hja þeim fyrir áratug, tímabilið 2014-15.
Mynd / Grindavík FB
