Þrír leikir fóru fram í sænskú úrvalsdeildinni í körfuknattleik í gærkvöldi. Helgi Magnússon og Uppsala Basket unnu stórsigur á ecoÖrebro en Logi Gunnarsson og Víkingarnir frá Solna máttu þola naumt tap á útivelli.
Uppsala 88-52 ecoÖrebro
Helgi var í byrjunarliði Uppsala og skoraði 6 stig í leiknum. Hann lék í rúmar 27 mínútur og tók einnig 8 fráköst, var með 2 stolna bolta og 1 varið skot.
Jamtaland 94-89 Solna
Logi gerði 19 stig og tók 3 fráköst í leiknum fyrir Solna á rétt rúmum 30 mínútum.
Eftir leikina í gær er Solna í 6. sæti deildarinnar með 22 stig en Uppsala er í 5. sæti með 26 stig.
