Miami Heat töpuðu á dögunum úrslitaeinvígi sínu fyrir Los Angeles Lakers um meistaratitilinn í NBA deildinni, 4-2. Framganga Heat þó nokkuð áhugaverð þetta árið, þar sem þeir unnu Austurströndina, þrátt fyrir að hafa endað í 5. sæti deildarkeppninnar.
Líkt og oft vill verða, urðu til stjörnur í þessu öskubuskuævintýri Heat manna. Líklega engin af þeim skærari en tvíeyki þeirra í bakverðinum Jimmy Butler og framherjanum Bam Adebayo, sem báður voru stórkostlegir í úrslitakeppninni.
Þá fengu “minni spámenn” þeirra einnig að skína á stóra sviðinu. Þar sem að nýliðarnir Kendrick Nunn, Tyler Herro og Duncan Robinson voru allir í lykilhlutverkum góðs gengis liðsins.
Hér fyrir neðan er hægt að sjá færslu þjálfara Selfoss Körfu Chris Caird frá því fyrr í dag, en í henni bendir hann á Duncan Robinson, sem kom til Íslands árið 2015 til þess að taka þátt í æfingabúðum.
Robinson var frábær í nýlokinni úrslitakeppni. Skilaði 12 stigum og 3 fráköstum að meðaltali í leik, en flest stiga hans komu úr djúpinu, þar sem að nýting hans var 40%.
