Undir 18 ára drengjalið Íslands mátti þola tap fyrir Írlandi í umspili um 11. sæti á Evrópumótinu í Makedóníu, 62-82.
Leikurinn var sá síðasti hjá liðinu á mótinu og hafnar Ísland því í 12. sæti Evrópumótsins þetta árið.
Atkvæðamestur fyrir Ísland í dag var Thor Grissom með 16 stig og 3 fráköst. Þá skilaði Lars Erik Bragason 8 stigum, 7 fraköstum, 4 stoðsendingum og Viktor Jónas Lúðvíksson 9 stigum og 6 fráköstum.
