Hjörvar Hafliðason útvarps- og sjónvarpsmaður og fyrrum markvörður Breiðabliks mætti á fiskikvöld knattspyrnudeildar UMFN nú síðastliðin föstudag. Svo sem ekki frásögufærandi nema hvað að þar upplýsti hann mikla aðdáun sinni á körfuknattleiksliði UMFN og að í gegnum árin hafi hann iðulega fylgst vel með liðinu í sjónvarpi á sínum tíma. Hans helstu stjörnur voru þá Teitur Örlygsson, Friðrik Ragnarsson og fleiri í því gullaldar liði.
Að auki þessu og öllu merkilegra var þegar Hjörvar sagði frá því að iðulega þegar úrslitakeppnin fór í gang í körfunni hafi áhugi kvennþjóðarinnar aukist verulega á kappanum (sem var nú mikil fyrir að eigin sögn) Þá hefðu konur komið að honum og iðulega talað um hversu vel hann stóð sig í síðasta leik. En þessar konur voru að sjálfsögðu að fara mannavilt því þær héldu að þær væru á spjalli við kyntröll þeirra Njarðvíkinga á þeim árum, Pál Kristinsson.
Hjörvar var hinsvegar ekkert að leiðrétta þessi mistök þeirra og tjáði sig hafa skemmt sér ágætlega. Ekki fylgdi sögunni hversu langt þetta ævintýri lifði. Hjörvar var því einstaklega ánægður að hitta loksins tvífara sinn á þessu fiskikvöldi og deila með honum og salnum sögu sinni. Þess má geta að Páll er harðgiftur maður nánast frá 15 ára aldri, en þær konur sem huggnast drenginn geta vissulega notað ímyndurnaraflið og farið í B útgáfuna af honum því heimildir herma að Hjörvar Hafliðason er enn á markaðnum, sem hann sjálfur nú eða þá sem Palli K (B)
