Tryggvi Snær Hlinason og félagar í Bilbao unnu FIBA Europe Cup í kvöld, en úrslitaleikirnir voru heima og heiman gegn gríska liðinu PAOK.
Fyrri leik liðanna hafði Bilbao unnið með sjö stigum á Spáni, en þeim seinni töpuðu þeir í Grikklandi með aðeins tveimur stigum. Mikil spenna, en niðurstaðan að lokum fimm stiga sigur Bilbao í einvíginu.
Tryggvi Snær átti flottan leik fyrir Bilbao í kvöld, en hann hefur verið að koma til baka úr meiðslum síðustu daga. Á 16 mínútum spiluðum skilaði hann 7 stigum, 5 fráköstum, 2 stoðsendingum og vörðu skoti.
