Jerome Hill leikmaður Keflavíkur hirti titilinn leikmaður leiksins í kvöld svo um munaði. Kappinn var skrímsli á báðum endum vallarins, skoraði 28 stig og tók 21 frákast. Jerome þótti við hæfi undir lok leiks þegar hann skoraði og fékk villu að hnykla vöðvum sínum til merkis um að hann væri ekki tilbúin í sumarfríið. Aðspurður hvort einvígið ætti eftir að koma aftur til Keflavíkur var hann afdráttarlaus í svörum sínum.
