Dominos deild karla hófst í gærkvöldi með fjórum leikjum. Líkt og áður er mikil spenna fyrir nýju tímabili en miklar breytingar hafa orðið á liðunum sem gerir spennuna jafnvel enn meiri fyrir þetta tímabil.
Karfan hitar upp fyrir tímabilið með því að fara yfir öll liðin og ræða við leikmann eða þjálfara liðsins. Næst eru það ÍR-ingar.
ÍR
Breiðhyltingar komu nokkuð á óvart á síðustu leiktíð er liðið endaði í öðru sæti deildarkeppninnar og komst í undanúrslit. Liðið missti nokkuð en fékk einnig sterkan leikmann í staðin. Það verður spennandi að sjá hvort ÍR og Ghetto Hooligan nái að byggja á síðustu leiktíð og gera enn betur.
Spá KKÍ: 7. sæti
Lokastaða á síðustu leiktíð: 2. sæti
Þjálfari liðsins: Borce Ilievski
Leikmaður sem vert er að fylgjast með: Hákon Örn Hjálmarsson. Bakvörðurinn sterki fær að öllum líkindum meiri ábyrgð á sínar herðar í vetur. Hefur sýnt hvað í honum býr síðustu leiktíðir en gæti tekið næsta skref í vetur.
Komnir og farnir:
Komnir:
Justin Martin frá Kýpur
Matthew McClain frá USA
Sigurður Gunnar Þorsteinsson frá Grindavík
Farnir:
Sveinbjörn Claessen hættur
Danero Thomas til Tindastóls
Kristinn Marínósson til Hauka
Sigvaldi Eggertsson til Obradoiro CAB
Ryan Taylor óljóst
Hjalti Friðriksson hættur
Mladen Pavlovic óljóst
Viðtal við Trausta Eiríksson um komandi leiktíð.
