ÍA tók á móti Tindastól í 32 liða úrslitum VÍS bikarkeppninar, mikil eftirvænting var fyrir leiknum, stúkan þétt setin og stemningin mjög góð.
Hérna eru öll úrslit kvöldsins
Skagamenn byrjuðu leikinn af miklum krafti og komust í 14 – 7 og voru yfir 22 – 15 um miðjan 1. leikhluta. Tindastóll gerði hinsvegar gott áhlaup í lok leikhlutans og leiddi 30 – 25 að honum loknum. Jafnræði var með liðunum í 2.leikhluta, bæði lið að hitta mjög vel og leikurinn í jafnvægi. Staðan í hálfleik var 46 – 52 fyrir Tindastól.
Í seinni hálfleik dró jafnt og þétt í sundur á milli liðanna, ljóst var að Tindastóll bjó yfir meiri breidd og smám saman dró af ÍA liðinu. Staðan í lok 3.leikhluta var 61 – 73 fyrir Tindasól og þeir síðan gengu frá leiknum í 4.leikhluta og sigruðu nokkuð örugglega 81 – 107.
Helsta tölfræði leikmanna ÍA
Srdan Stojanovic 22 sitig, 4 af 5 í þristum, samtals 61,5% skotnýting
Victor Bafutto 21 stig, 53,8% skotnýting
Lucien Christofis 9 stig, 7 stoðsendingar
Helsta tölfræði leikmanna Tindastóls
Davis Geks 26 stig, 8 af 11 í þristum, samtals 69,2% skotnýting
Dedrick Basile 25 stig, 7 af 7 í tveggja stiga, 6 stoðsendingar
Giannis Agravanis 13 stig, 6 fráköst
Punktar frá leiknum
– Byrjunarlið liðanna skoruðu jafn mikið, 65 stig hvort
– Tindastóll var með 42 stig af bekknum á meðan í var aðeins með 16 stig
– Liðin skiptast 4 sinnum á forystu og þrisvar sinnum var jafnt.
– Friðrik Hrafn Jóhannsson aðstoðarþjálfari Tindastóls á að baki nokkra leiki með ÍA.
– Leikurinn var sýndur beint á ÍA TV og lýstu Jón Orri og Fannar Freyr honum af mikilli fagmennsku.
Næsti leikur liðana er á föstudaginn 25.okt nk. Skagamenn leika á útivelli gegn nágrönnum sínum í Skallagrím en Tindastóll mætir Grindavík í Smáranum.
Myndasafn (Jónas H. Ottósson)
Fleiri myndir er að finna á FB síðu ÍA hér
Umfjöllun / Jón Þór
