Martin Hermannsson mun ekki leika meira með Alba Berlin á tímabilinu vegna vöðvameiðsla í kálfa. Staðfestir félagið þetta á samfélagsmiðlum í dag.
Fréttirnar komu rétt fyrir oddaleik Alba Berlin gegn Chemnitz Niners í undanúrslitum þýsku úrvalsdeildarinnar, en þann leik unnu þeir og er liðið því á leiðinni í úrslitaeinvígi gegn Bayern Munich um Þýskalandsmeistaratitilinn.
