Valskonur unnu sinn tíunda leik í röð í kvöld er liðið skellti heimakonum í Grindavík 63-83. Eftir leikinn er Valur í 2. sæti deildarinnar með 32 stig á meðan að Grindavík er í 5. sætinu með 16 stig.
Þorleifur Ólafsson þjálfari Grindavíkur sagði eftir leik í samtali við Körfuna að liðið hefði gert vel í fyrri hálfleik, en að erfitt hafi verið fyrir liðið að eiga við Valskonur í síðari hálfleik:
„Valur er virkilega gott lið, enda á toppi deildarinnar, og þær fóru í gang í síðari hálfleik og sýndu hvers vegna þær eru á toppnum. Ég var mjög ánægður með fyrri hálfleikinn hjá okkur; góð barátta og góður andi, en við misstum þær fram úr í síðari hálfleik og þegar Valur kemst á skrið er erfitt að stoppa liðið. Ég lagði á það áherslu að við myndum halda áfram að berjast fram á síðustu sekúndu þótt munurinn hafi verið orðinn of mikill, og þær sýndu karakter í erfiðri stöðu. Ég er ánægður með margt hjá okkur í vetur, og leikmenn eru að leggja hart að sér. Nú er að koma landsleikjahlé og við ætlum að nýta tímann vel; það býr mikið í liðinu og við ætlum að stefna ótrauð á áframhaldandi bætingu út tímabilið.“
