Þór Akureyri hefur samið við Evu Wium Elíasdóttur og Hrefnu Ottósdóttur fyrir komandi tímabil í Bónusdeild kvenna.
Báðar hafa þær verið leikmenn Þórs síðustu þrjú tímabil og voru í stórum hlutverkum í liðinu er það vann sig upp úr fyrstu deildinni og lék í efstu deild á síðustu leiktíð. Eva skilaði 10 stigum, 4 fráköstum og 4 stoðsendingum að meðaltali í leik á síðustu leiktíð á meðan að Hrefna var með 10 stig og 3 fráköst að meðaltali í leik. Báðar voru þær í æfingahópi A landsliðs kvenna sem æfði nú í sumar.
