Íslenska karlalandsliðið mætir Búlgaríu á morgun í þriðja leik sínum í forkeppni Ólympíuleika 2024.
Leikurinn er sá síðasti af þremur sem liðið leikur í forkeppni Ólympíuleikanna. Fyrir leik morgundagsins hefur Ísland tapað fyrir Tyrklandi og Úkraínu, sem örugg eru í undanúrslit keppninnar á meðan að bæði Ísland og Búlgaría eru að leika sinn síðasta leik.
Annar leikur mótsins er gegn Búlgaríu kl. 14:00 og verður hann í beinni útsendingu á RÚV. Hérna er hægt að sjá hverjir það eru sem leika fyrir Íslands hönd á morgun og hér fyrir neðan má sjá leikmannahóp Úkraínu.
Lið – félagslið:
Brandon Young – CSKA (Búl)
Deyan Karamfilov – Rilski Sportist (Búl)
Vasil Bachev – Akademik Plovdiv (Búl)
Lachezar Dimitrov – Levski (Búl)
Martin Yordanov – Cherno More Ticha (Búl)
Pavlin Ivanov – ABC CSU Sibiu (Rúm)
Aleks Simeonov – CSKA (Búl)
Konstantin Kostadinov – CA Montemar (Spá)
Emil Stoilov – Menorca (Spá)
Andrey Ivanov – CSKA (Búl)
Aleksandar Ivanov Stoimenov – Terme Olimia Podcetrtrek (Sló)
Ivan Alipiev – Latina Basket SSDARL (Ita)
Um er að ræða nokkuð sterkan hóp hjá búlgarska liðinu á þessu móti þó þeir hafi líkt og Ísland tapað báðum leikjum sínum á mótinu. Gegn Tyrklandi töpuðu þeir nokkuð stórt á meðan að þeir fóru í framlengingu gegn Úkraínu. Líkt og hjá Íslandi vantar nokkra stóra pósta í búlgarska liðið, en þar væri helst hægt að nefna Sasha Vezenkov sem gerði þriggja ára samning við Sacramento Kings í NBA deildinni í sumar eftir að hafa skilað 22 stigum og 7 fráköstum að meðaltali í leik á síðustu leiktíð með Olympiacos í grísku deildinni og EuroLeague.
Margir leika leikmenn liðsins með liðum í heimalandinu og í neðri deildum Spánar og Ítalíu. Þeirra framlagshæstu leikmenn það sem af er þessari forkeppni eru kaninn þeirra Brandon Young sem skilað hefur 16 stigum, 8 stoðsendingum í leik og fyrrum leikmaður Vals Aleks Simeonov, en hann er með 16 stig og 4 fráköst að meðaltali í leik, en þeir leika báðir fyrir CSKA Sofia í Búlgaríu.
Umfjöllun Körfunnar um íslensku landsliðin er kostuð af Lykil
