Fylkir hefur ráðið Víking Goða Sigurðarson til að stýra meistaraflokki karla hjá félaginu á komandi tímabili í annarri deild karla. Staðfestir félagið þetta á samfélagsmiðlum fyrr í dag.
Víkingur byrjaði að þjálfa körfubolta hjá Val árið 2013 sem aðstoðarþjálfari nokkura yngri flokka og tók síðan við aðalþjálfun minnibolta 8, 9, 10 og 11 ára aldursflokkanna árið 2015. Þá hefur hann líka aðstoðað meistaraflokka Vals karla og kvenna með leikgreiningar og leikmannagreiningar.
