Þeir Einar Einarsson og Arnór Daði Jónsson munu taka við sem þjálfarar Þróttar í fyrstu deild karla, en í gær var staðfest að Guðmundi Inga Skúlasyni hafi verið sagt upp störfum eftir þriggja ára veru í Vogunum.
Einar spilaði fyrir Keflavík, Tindastól og ÍA á sínum leikmannaferli, en hann hefur víða komið við á sínum þjálfaraferli og meðal annars gerði Grindavík að bikarmeisturum 2006. Einnig hefur Einar þjálfað Keflavík og Hauka í meistaraflokki. Arnór Daði var áður aðstoðarþjálfari Þróttar, en hann er líkt og Einar úr Keflavík
Þróttur hefur átt góðu gengi að fagna á síðustu árum undir stjórn Guðmundar Inga, en undir hans stjórn vann félagið sig upp úr þriðju deildinni og sitja sem stendur í 5.-6. sæti fyrstu deildarinnar.
![](https://www.karfan.is/wp-content/uploads/2024/02/422092730_820042906819861_3357369678842806168_n-1024x768.jpg)