Keflavík lagði Njarðvík nokkuð örugglega í kvöld í þriðja leik liðanna í úrslitum Subway deildar kvenna. Með sigrinum náði Keflavík að tryggja sér Íslandsmeistaratitilinn í 17. skipti síðan þær unnu hann fyrst árið 1988. Með Íslandsmeistaratitlinum náði Keflavík að loka hinu fullkomna tímabili sínu, en áður höfðu þær unnið bæði deildar- og bikarmeistaratitil.
Karfan spjallaði við Sverrir Þór Sverrisson þjálfara Keflavíkur eftir að titillinn var í höfn í Blue höllinni, en hann staðfesti það eftir leik í samtali við Körfuboltakvöld að hann myndi ekki halda áfram með liðið.
