Sé tekið mið af þeim tíðindum sem berast af lokahófi Tindastóls er ljóst að reynsluboltinn og stigahæsti leikmaður félagsins frá upphafi, Svavar Atli Birgisson, ætlar í annan slag með Stólunum á næstu leiktíð. Á lokahófi félagsins sem haldið var á dögunum fékk Svavar afhentan bikar sem stigahæsti leikmaður félagsins frá upphafi í efstu deild og úrslitakeppni með 3378 stig.
Á heimasíðu Tindastóls segir:
Svavari Birgissyni var afhentur bikar sem stigahæsta leikmanns félagsins frá upphafi í efstu deild og úrslitakeppni 3378 stig. Svavar lyfti bikarnum og skoðaði hann en skilaði honum svo aftur til formannsins og bað hann um að geyma hann að minnsta kosti í eitt ár í viðbót. Gamli refurinn hefur semsagt ekki sagt sitt síðasta með Tindastól.
Á lokahófinu var Pétur Rúnar Birgisson valinn besti leikmaður liðsins í meistaraflokki karla og Bríet Lilja Sigurðardóttir valin besti leikmaður meistaraflokks kvenna.
Hér má lesa nánar um lokahóf Tindastóls