Stjarnan varð í dag Íslandsmeistari í unglingaflokki karla eftir sigur á ÍR í úrslitaleik. Stjarnan náði forystunni á upphafsmínútunum og lét hana ekki af hendi þrátt fyrir tilraunir ÍR-inga til þess að komast aftur inn í leikinn. Niðurstaðan 12 stiga sigur Stjörnunnar, 91-79.
Hérna er myndasafn dagsins frá Körfunni / Bára Dröfn
Maður úrslitaleiksins var Dúi Þór Jónsson, en hann skilaði 13 stigum, 14 stoðsendingum og 6 fráköstum. Þá bætti Hugi Hallgrímsson við 21 stigi, 9 fráköstum og 2 vörðum skotum. Í silfurliði ÍR var Ólafur Björn Gunnlaugsson atkvæðamestur með 29 stig og 9 fráköst.
Myndir / KKÍ & Bára Dröfn
