Næst er Skotklukkan komin að leikmanni Selfoss í fyrstu deild kvenna Valdísi Unu Guðmannsdóttur.
Valdís er 19 ára bakvörður sem að upplagi er úr Hrunamönnum. Eftir að hafa leikið upp yngri flokka hóf hún að leika fyrir meistaraflokk Hamars/Þórs tímabilið 2021-22. Síðan þá hefur hún verið á mála hjá sameinuðum yngri flokkum á suðurlandinu og fyrir þetta tímabil gekk hún til liðs við nýtt lið Selfoss í fyrstu deild kvenna. Það sem af er tímabili hefur hún skilað 13 stigum, 4 fráköstum og stoðsendingu að meðaltali í leik, en lið hennar leikur þessa dagana í umspili um sæti í Bónus deildinni. Þá hefur hún einnig verið hluti af yngri landsliðum Íslands á síðustu árum.
- Nafn? Valdís Una Guðmannsdóttir
- Aldur? Tvítug
- Hjúskaparstaða? Á kærasta
- Uppeldisfélag? Hrunamenn
- Uppáhalds atvik á ferlinum? Íslandsmeistaratitillinn 2024
- Vandræðalegasta atvik á ferlinum? Þegar einhver taldi niður frá fimm þannig ég skaut en það var mikið eftir af klukkunni í raun…
- Efnilegasti leikmaður landsins? Myndi líklegast segja Sara Björk Logadóttir.
- Besti leikmaður sem þú hefur spilað með? Aniya Thomas
- Ertu með einhverskonar hjátrú þegar það kemur að leikjum? Ég borða alltaf það sama fyrir hvern einasta leik og hef gert síðan ég var að keppa í 6. bekk.
- Uppáhalds tónlistarmaður? Drake
- Uppáhalds drykkur? Nocco
- Besti þjálfari sem þú hefur haft? Dabbi kóngur
- Ef þú mættir fá leikmann í deildinni í þitt lið, hver væri það? Birgit Ósk Snorradóttir
- Í hvað skóm spilar þú? JA 1 og Sabrina 2
- Uppáhalds staður á Íslandi? Flúðir
- Með hvað liði heldur þú í NBA? Hlutlaus
- Hver er besti körfuboltaleikmaður allra tíma? Kobe Bryant
- Hver var fyrirmyndin þin í æsku? Ragnheiður Björk Einarsdóttir
- Sturluð staðreynd um þig? Get spilað á hljóðfæri og sungið.
- Hvað er það skemmtilegasta sem þú gerir á æfingum? Spila
- Hvað er það leiðinlegasta sem þú gerir á æfingum? Það er ekkert á æfingum sem mér finnst eitthvað sérstaklega leiðinlegt. Fara yfir kerfi 5 á 0.
- Hvaða þrjá leikmenn í deildinni tækir þú með þér á eyðieyju? Önnu Katrínu, Þóru Auðunsd. og Ólöfu Maríu Bergvinsd.
- Fylgist þú með öðrum íþróttum en körfubolta? Nei
- Hvaða lið myndir þú aldrei spila fyrir? Aþenu
