Skallagrímur vann H/S

02:24

Skallagrímsmenn unnu góðan sigur á baráttuglöðu liði Hamars/Selfoss íkvöld. Lokatölur voru 84-65 fyrir Borgnesinga en þær tölur gefa því miðurekki alveg rétta mynd af leiknum. Sunnlendingar byrjuðu leikinn af kraftiog allt virtist stefna í það að þeir mynd stinga steinsofandi Borgnesingaaf í fyrsta leikhluta. Eitthvað virtist heimkoma George Byrd sitja íSkallagrímsmönnum en eins og glöggir menn hafa tekið eftir hefur kappinnsamið við Hamar/Selfoss og lék sinn fyrsta leik með þeim í kvöld. Byrdhefur engu gleymt í sumarfríinu og var illviðráðanlegur inni í teignum, ogef ekki hefði verið fyrir Pálma Þór Sævarsson í vörn Borgnesinga hefði getað farið verr.

Heimamenn byrjuðu leikinn vægast sagt illa og setti George Byrd straxtóninn fyrir gestina með öruggri körfu eftir klassíska pósthreyfingu,aðeins að minna á sig kallinn. Hamarsmenn voru allsráðandi í fjórðungnumog var það helst Pálmi Þór Sævarsson sem gerði eitthvað að viti í liðiheimamanna en hann var að dekka fantavörn á stórvin sinn George Byrd.Lárus Jónsson og Svavar Pálsson voru einnig að spila vel í liðiHamars/Selfoss og þrátt fyrir fína spretti í sókninni hjá DimitarKaradzovski og Darrel Flake voru Borgnesingar undir í hálfleik 34-44.

Eitthvað hefur Valur Ingimundarson látð menn finna fyrir tevatninu ogjafnvel munnvatniu í hálfleik því Skallagrímsmenn komu tvíelfdir til leiksog hreinlega pökkuðu Hamarsmönnum saman með frábærum sóknarleik og góðumvarnarleik. Í sókninni var Hafþór Ingi Gunnarsson og Dimitar Karadzovskiað spila eins og englar, og Sveinn Blöndal kom sterkur inn eftir að PálmiÞór meiddist illa á fæti. Ekki er vitað hversu lengi Pálmi verður frá enmiðað við frammistöðu hans í kvöld verður erfitt að horfa á eftir honum í meiðsli. Pétur og Darrel Flake tóku sig einnig á í seinni hálfleik og 4.leikhluti var í raun aðeins formsatriði fyrir Borgnesinga að klára.

Hjá Hamarsmönnum var George Byrd drjúgur, þ.e.a.s. þegar hann fékkboltann. Hann var mjög þreytulegur að sjá enda nýstiginn á klakann, þráttfyrir það var hann sínum gömlu félögum erfiður. Svavar Pálsson og Lárus Jónsson áttu einnig fína spretti.

Dimitar Karadzovski sýndi Borgnesingum langþráð tilþrif í sóknarleiknum,sem og Hafþór Ingi Gunnarsson sem raðaði niður þristunum í 3. leikhluta.Darrel Flake var að vanda drjúgur en Jovan Zdravevski átti eflaust sinnversta leik á ferlinum í kvöld. Jovan, sem venjulega skilar góðum leik varekki með hausinn á herðunum í kvöld og er vonandi að hann hristi af sérslenið fyrir næsta leik. Sveinn Blöndal átti einnig mjög góða innkomu afbekknum, og Pétur Már setti sín stig eins og alltaf.

Það er vissulega gleðiefni fyrir Skallagrímsmenn að geta rifið sig uppúrjafn slæmri byrjun og unnið leikinn með Jovan í kaffipásu og liðið aðspila illa í fyrri hálfleik.

Maður leiksins er þó án efa Pálmi Þór Sævarsson sem skilaði ómetanleguvarnarhlutverki í kvöld og rétt er að vona fyrir Borgnesinga að kappinnharki af sér meiðslin sem hann varð fyrir í kvöld.

Texti: Guðmundur Þorbjörnsson
Myndir: Svanur Steinarson