KFG hafði betur gegn Ármanni í fyrstu deild karla í gærkvöldi, 105-107.
Úrslitin sjálf kannski merkileg fyrir þær sakir að fyrir leikinn var Ármann í efri hluta deildarinnar, en KFG í neðri hlutanum í harðri baráttu um sæti sitt í deildinni.
Tilþrif leiksins átti leikmaður KFG Viktor Jónas Lúðvíksson. Líkt og sjá má ætlar hann upp í þriggja stiga skot, en það er varið. Hann lætur ekki þar við sitja, nær boltanum sjálfur og keyrir í stórbrotna troðslu yfir leikmann Ármanns.
