Tryggvi Snær Hlinason og Bilbao lögðu Sassari í kvöld í annarri umferð riðlakeppni FIBA Europe Cup, 77-60.
Á rúmum 19 mínútum spiluðum í leiknum skilaði Tryggvi Snær 5 stigum, 4 fráköstum, stoðsendingu, stolnum bolta og vörðu skoti.
Bilbao hefur unnið alla leiki sína í keppninni til þessa og eru öruggir í átta liða úrslit keppninnar. Ekki er ljóst hver mótherji þeirra verður þar, en leikið er heima og heiman 5. og 8. mars nk.
