Íslenska u20 landsliðið vann í gær Pólverja í síðasta leik riðlakeppni evrópumóts U20 liða í Grikklandi. Lokastaðan var 62-60 í æsispennandi leik.
Íslensku strákarnir voru með yfirhöndina nánast allan leikinn en pólverjar gáfu ekki tommu eftir og önduðu í hálsmálið á Íslandi allan tímann.
Pólland komst fyrst yfir í byrjun fjórða leikhluta og var munurinn úr fjórðunginn aldrei meiri en fjögur stig. Æsilegar lokamínútur þar sem vítaskot Hjálmars Stefánssonar tryggja sigurinn þegar 6 sekúndur eru eftir.
Sigurinn þýðir að Ísland vann þennan ógnarsterka riðil sinn og spilar því um sæti 1-8 í keppninni. Andstæðingar okkar í átta liða úrslitum er Georgía og fer leikurinn fram á föstudaginn.
Jón Axel Guðmundsson var atkvæðamestur með 16 stig, 6 stoðsendingar og 6 fráköst. Einnig var Kristinn Pálsson sterkur með 10 fráköst og 8 stig.
Fögnuð liðsins má sjá á Snapchati reikningi okkar: karfan.is. Sýnishorn má sjá hér að neðan.
Stórgóður sigur Íslands U20 á Póllandi. Fögnuðurinn á Snapchatinu okkar: karfan.is. Til hamingju strákar! pic.twitter.com/pTNbJFSq2q
— Karfan.is (@Karfan_is) July 20, 2016
