Sigrún Björg Ólafsdóttir og Chattanooga Mocs töpuðu seinni leik sínum gegn Furman Lady Paladins í bandaríska háskólaboltanum, 46-52. Þann fyrri höfðu þær unnið nokkuð örugglega nú um helgina, 68-56. Með tapinu endaði fimm leikja sigurganga Mocs, en það sem af er tímabili hafa þær unnið sjö leiki og tapað fimm.
Á 27 mínútum spiluðum í kvöld skilaði Sigrún Björg tveimur stigum, átta fráköstum, tveimur stoðsendingum og tveimur stolnum boltum. Næsti leikur Mocs er gegn Samford Bulldogs þann 22. janúar.
