Fimm leikir fóru fram í sænsku úrvalsdeildinni í gærkvöldi þar sem Íslendingaliðin Sundsvall Dragons og Norrköping Dolphins unnu bæði örugga sigra. Sundsvall rassskellti Jamtland, gamla lið Brynjars Þórs Björnssonar, og Norrköping lagði Boras heima.
Sundsvall 106-78 Jamtland Basket
Jakob Örn Sigurðarson var stigahæstur hjá Sundsvall með 18 stig, 1 frákst og 1 stoðsendingu. Hlynur Bæringsson bætti svo við 11 stigum og 5 fráköstum en fimm leikmenn Sundsvall gerðu 11 stig eða meira í leiknum.
Norrköping 96-79 Boras Basket
Pavel Ermolinski var ekki í byrjunarliði Norrköping í leiknum en var þó stigahæstur með 18 stig, 8 fráköst og 5 stoðsendingar og fékk 31 stig í framlag fyrir vikið. Nýtingin hjá Pavel var til fyrirmyndar, ekkert ,,swing and a miss” í þetta skiptið heldur setti hann 3 af 5 í teignum, 2 af 2 þristum og öll sex vítin sín.
Sundsvall er í 3. sæti deildarinnar með fjóra sigra og tvo tapleiki en Norrköping er í 7. sæti með þrjá sigra og þrjú töp.
| Nr | Lag | V/F | Poäng |
|---|---|---|---|
| 1. | Södertälje Kings | 5/1 | 10 |
| 2. | Borås Basket | 5/1 | 10 |
| 3. | Sundsvall Dragons | 4/2 | 8 |
| 4. | Solna Vikings | 4/1 | 8 |
| 5. | 08 Stockholm HR | 3/3 | 6 |
| 6. | Uppsala Basket | 3/2 | 6 |
| 7. | Norrköping Dolphins | 3/3 | 6 |
| 8. | LF Basket | 3/3 | 6 |
| 9. | Jämtland Basket | 2/4 | 4 |
| 10. | Stockholm Eagles | 2/4 | 4 |
| 11. | ecoÖrebro | 1/5 | 2 |
| 12. | KFUM Nässjö | 0/6 | 0 |
