Komið er að leiðarlokum hjá Scott Skiles og Milwaukee Bucks í NBA deildinni. Búist er við því að félagið tilkynni þetta opinberlega síðar í dag. Skiles var á síðasta ári samnings síns hjá félaginu en gerður er rómur að því að ekki hafi verið eining á milli Skiles og forsvarsmanna félagsins um leikmannahópinn og fleira.
Á fimm leiktíðum með Bucks komst Skiles einu sinni í úrslitakeppnina með liðið en hann var ósáttur við að vera ekki boðin framlenging á samningi sínum en það mun hafa verið ákvörðun Herb Kohl sem er eigandi liðsins. Jim Boylan einn af aðstoðarþjálfurum Skiles mun taka við starfanum sem þjálfari liðsins og stýra því gegn Phoenix í nótt.
