Slóvakía lagði Ísland í lokaleik undankeppni EuroBasket 2025 í Bratislava, 78-55.
Ísland endar því í fjórða sæti riðilsins á meðan Slóvakía er í öðru sætinu.
Sara Rún Hinriksdóttir kom aftur inn í íslenska landsliðið fyrir þennan glugga eftir tveggja ára fjarveru vegna meiðsla. Þrátt fyrir töpin tvö er óhætt að segja að Sara hafi átt ágætis leiki, setti 29 stig gegn Tyrklandi fyrir helgina og var með 20 stig gegn Slóvakíu í kvöld.
