Whaaazzzaap,
Eurobasket 2013 komið á fulla ferð og keypti leikur mótsins hefur nú þegar litið dagsins ljós. Það var leikur Svartfellinga og Makedoníu sem Svartfellingar unnu með einu stigi í æsispennandi leik. Mikið hefur verið deilt um dómgæsluna í þeim leik en Svartfellingar sluppu með knatttruflun á lokasekúndum leiksins í sókn þar sem Makedonar hefðu getað komist einu stigi yfir… Mjög mikið um óvænt úrslit í mótinu framan af. Nowitzki-lausir Þjóðverjar t.d. sigruðu Frakka með Tony Parker, Nicolas Batum og Boris Diaw… Ansi margir brackets sem hafa orðið ónýtir í fyrstu umferð… Nóg er um að vera hérna heima og eru flest liðið nú búin að ganga frá eða við að ganga frá útlendingamálum og að klára að setja saman leikmannahópinn fyrir veturinn. Pavel snýr aftur til KR og alls ekki óvíst að Logi Gunnars snúi til baka í Njarðvíkina. Hann er a.m.k. kominn með leikheimild hjá Njarðvíkingum skv. Mogganum… Grindavíkurstúlkur voru að ganga frá samningi við Lauren Oosdyke (skjótið inn brandara um kynhneigð að eigin vali hér) en hún leit mjög vel út á myndbandi. Grindvíkingar munu fara langt með að vinna þetta tvöfalt í vetur… Sögur berast frá Keflavíkinni þar sem Andy Johnston nýr þjálfari Kef er að pússa hópinn sinn saman. Andy er lítið fyrir one-on-one spjall og segir það sem hann þarf að segja mönnum yfir allan hópinn. Hann nefndi t.a.m. um daginn þrjá leikmenn sem hann sagði að væru allt of þungir og ættu að slaka á borgurunum og hugsa sinn gang. Leyfum ykkur að geta til um hverjir það eru… Alger heragi ræður ríkjum í Keflavík núna en menn mega ekki fussa yfir mistökum á æfingum og eiga helst ekki að sýna nein viðbrög á meðan á leik stendur. Maggi Gunn var t.d. rifinn út af á Ljósanæturmótinu um daginn eftir að hann hafði tekið tvö af sínum 2-metrar-fyrir-utan þriggja stiga skot… Vill einhver annar setja pening á það að Andy Johnston verði rekinn áður en deildin hefst?… Við erum að sjálfsögðu búnir að sjá “Ölla” og heimtum að þið öll gerið hið sama. Þvílík körfuboltaveisla að horfa á þessa mynd… Við höfum séð það skrifað hérna á Karfan.is að Ölli sé stærsta “hvað ef” íslensks körfubolta. Hér eru nokkur fleiri “hvað ef” sem vega ansi þungt í íslenskum körfubolta:
- Hvað ef Keflvíkingar fengju dæmdar á sig villur á heimavelli?
- Hvað ef Palli Kristins hefði einhvern tímann séð lóð á ævinni?
- Hvað ef Jón Arnór hefði ekki farið til Dallas Mavericks með þetta hár?
- Hvað ef PAxel færi einhvern tímann inn fyrir þriggja stiga línuna?
- Hvað ef Pálína Gunnlaugs væri nokkrum cm hærri?
- Hvað ef Svenni Claessen væri ekki hrökkbrauð?
- Hvað ef Alexander Ermolinski hefði ekki kysst boltann?
- Hvað ef Pavel myndi actually tvíta í hálfleik?
- Hvað ef einhver áhugi væri á körfubolta á Stöð 2 Sport?
We OUT like feitabollur í Keflavík
* FYRIRVARI *
Ruslakarlarnir eru skoðanaglaðir en jafnframt sjálfstæðir pennar og ber Karfan.is ekki ábyrgð á skrifum þeirra né skoðunum. Þeir vilja benda þeim sem hafa yfir einhverju að kvarta á að senda póst á [email protected], en þó ekki bíða eftir svari.
Ruslakarlarnir eru skoðanaglaðir en jafnframt sjálfstæðir pennar og ber Karfan.is ekki ábyrgð á skrifum þeirra né skoðunum. Þeir vilja benda þeim sem hafa yfir einhverju að kvarta á að senda póst á [email protected], en þó ekki bíða eftir svari.
