“Hvar er Lamar” leikurinn endaði með því að umbinn hans sagði að hann væri á hótelherbergi með vinum og vandamönnum þar sem hann væri að berjast við krakk fíknina. Hann sagði svo strax á eftir að Lamar væri enn að leita sér að vinnu í NBA deildinni. Við ætlum alla vega ekki að halda í okkur andanum þar til það gerist… Þetta var slæm vika fyrir Odom því Eminem gaf út nýtt lag þar sem hann segir sig hafa dottið í það og vaknað í bíl með “the ugly Kardashian” við hlið sér… Allen Iverson hættur í NBA. Sá hefur verið í miklu uppáhaldi hjá Ruslakörlunum alla tíð síðan hann krossaði MJ í drasl á nýliðaárinu sínu… Tracy McGrady er einnig hættur í deildinni. Eitt af mörgum afrekum hans er að skora 13 stig á 35 sekúndum í sigurleik gegn Spurs og að troða í kokið á öllum 230 cm hans Shawn Bradley. T-Mac skaut því að í síðustu viku að honum hafi fundist erfiðast að dekka Kobe, en ekki Jordan, en það er einföld skýring á því. T-Mac var á fyrsta ári þegar MJ var á sínu síðasta hjá Bulls. Tímabil þar sem T-Mac fékk að spila 18 mínútur í leik. Hann fékk því afskaplega lítið að dekka Michael Jordan, nema þá þegar hann kom aftur í þriðja skiptið og þá til Wizards. Hann dekkaði hins vegar Kobe Bryant allan sinn feril. Þannig að við fælum þessi ummæli undir “talað með rassgatinu”… Góðar fréttir fyrir tjellingarnar þarna úti því sjarmatröllið og tískumógúllinn James Goldstein ætlar að koma með kvenfatatískulínu. Hver vill ekki líta út eins og James Goldstein?!… Lengjubikarinn byrjar á mánudaginn með leik Þórs og Njarðvíkur og verður spennandi að sjá hvort Egill “Big Eazy” Jónasson verður með Njörds í þeim leik og sjá þá turnana Nat-vélina og Big Eazy mætast…
We OUT like Odom á pípunni
* FYRIRVARI *
Ruslakarlarnir eru skoðanaglaðir en jafnframt sjálfstæðir pennar og ber Karfan.is ekki ábyrgð á skrifum þeirra né skoðunum. Þeir vilja benda þeim sem vilja kvarta yfir einhverju á að senda póst á [email protected], en þó ekki bíða eftir svari.
