21:18
{mosimage}
(Við skulum láta það ósagt að Rodman hafi stolið brjóstahöldunum af fórnarlambinu en hér skartar hann einhverskonar brjóstahöldum sem karlmenn sjást sjaldan klæðast)
Frákastaséníið og pörupiltur NBA körfuboltans, Dennis Rodman, gæti verið í klípu enn eina ferðina en nú á hann að hafa slegið konu á þjóhnappana svo eftir hafi verið mikið og stórt far á óæðri enda fórnarlambsins.
Rodman sætir rannsókn sökum þessa en fórnarlambið mun hafa sakað Rodman um ásláttinn í þyngri kinnarnar á krá í Newport Beach í Kaliforníufylki Bandaríkjanna. Lögregluskýrsla var tekin af málinu sem er til rannsóknar.
Hvort stoðir séu fyrir ásökunum fórnarlambsins hefur ekki enn komið í ljós en Rodman kallinn er til alls líklegur sem og samlandar hans í Bandaríkjunum sem eru ekki lengi að kæra hitt og þetta sjái þeir skjótfenginn gróða á borðinu. Og hver er stærra skotmark en Rodman enda þykir þetta athæfi kappans ekki í ósamræmi við lífsstílinn en allir eru saklausir uns sekt er sönnuð.
