10:55
{mosimage}
Vegna sögusagna sem kviknað hafa í framhaldi af atvikum sem áttu sér stað í bikarleik KR og Breiðabliks í 11. flokki karla, sem fram fór í DHL-Höllinni 31. janúar sl. vil ég koma eftirfarandi á framfæri.
Leikmaður Breiðabliks gerði sig sekan um mjög alvarlegt athæfi er hann sló flautuna úr munni mér. Hann iðraðist gjörða sinn og bað mig afsökunar eftir leik og reyndi ekki á
nokkurn hátt að réttlæta gjörðir sínar heldur tók á sig fulla ábyrgð. Er hann maður að meiri í mínum augum á eftir. En að hann hafi slegið mig í andlitið er alrangt og ef einhverjir hafa skilið fréttaflutning af málinu þannig, þá leiðréttist það hér með. Með þessu er ég ekki að afsaka gjörðir hans á nokkurn hátt en rétt skal vera rétt.
Virðingarfyllst,
Konráð J. Brynjarsson
Körfuboltadómari
