ÍA hefur samið við Kristófer Gíslason fyrir komandi átök í fyrstu deild karla. Tilkynnir félagið það á samfélagsmiðlum fyrr í dag.
Kristófer er 27 ára og að upplagi úr Skallagrími, en ásamt þeim hefur hann leikið fyrir Fjölni, Ármann og Hamar. Samkvæmt tilkynningu félagsins getur Kristófer leyst margar stöður á vellinum og er mjög góð þriggja stiga skytta eins og þeir fengu að kynnast í úrslitakeppninni á síðustu leiktíð.
