Óvíst er hvort leilmaður Njarðvíkur Jana Falsdóttir mun geta leikið með Njarðvík í öðrum leik undanúrslita gegn Grindavík í Ljónagryfjunni kl. 19:15 í kvöld.
Jana þurfti að yfirgefa fyrsta leik liðanna sem Njarðvík vann í Smáranum eftir að hafa fengið þungt höfuðhögg. Fór hún á sjúkrahús þá í rannsóknir og tók hún ekki frekari þátt í leiknum. Samkvæmt heimildum Körfunnar er þó ekki útséð með hvort Jana verður með Njarðvík í kvöld, en mögulega verður sú ákvörðun tekin rétt fyrir leik.
