Landsliðsmennirnir Jón Arnór Stefánsson og Haukur Helgi Pálsson létu til sín taka í ACB deildinni á Spáni í dag. Jón og félagar í Zaragoza höfðu öruggan heimasigur gegn Cajasol en Haukur og Manresa gerðu Real Madrid skráveifu á útivelli en máttu þó sætta sig við tap.
CAI Zaragoza 86-55 Cajasol
Jón Arnór lék í rúmar 10 mínútur í leiknum og gerði 5 stig, hann setti niður einn þrist og tvö víti og tók einni eitt frákast í leiknum. Sigahæstur í sigurliði Zaragoza var Damjan Rudez með 21 stig og 4 fráköst. Jón hvíldi í síðari hálfleik sökum verkja í mjöðm sem hafa verið að angra hann síðustu daga.
Zaragoza er í 7. sæti deildarinnar eftir leikina um helgina. Liðið hefur unnið 5 leiki og tapað 3.
Manresa 84-97 Real Madrid
Haukur Helgi Pálsson skellti niður tveimur þristum í fyrri hálfleik og lauk leik með sex stig en þetta var áttunda deildartap Manresa sem er eina lið deildarinnar sem enn hefur ekki unnið leik.
Staðan í ACB deildinni
| Endesa League Standings 2012-13 | Week 8 |
| Pos | Team | J | G | P | PF | PC | |
| 1 | Real Madrid | 8 | 8 | 0 | 724 | 617 | |
| 2 | Valencia Basket | 8 | 6 | 2 | 634 | 585 | |
| 3 | Herbalife Gran Canaria | 8 | 6 | 2 | 594 | 553 | |
| 4 | Gescrap Bizkaia Bilbao Basket | 8 | 6 | 2 | 617 | 587 | |
| 5 | Regal FC Barcelona | 8 | 5 | 3 | 637 | 552 | |
| 6 | CAI Zaragoza | 8 | 5 | 3 | 597 | 543 | |
| 7 | Asefa Students | 8 | 5 | 3 | 664 | 614 | |
| 8 | Caja Laboral | 8 | 5 | 3 | 645 | 602 | |
| 9 | Unicaja | 8 | 5 | 3 | 583 | 554 | |
| 10 | Blusens Monbus | 8 | 5 | 3 | 583 | 563 | |
| 11 | Blancos de Rueda Valladolid | 8 | 5 | 3 | 612 | 633 | |
| 12 | Joventut FIATC | 8 | 4 | 4 | 639 | 628 | |
| 13 | CB Murcia UCAM | 8 | 3 | 5 | 619 | 656 | |
| 14 | CB Canarias | 8 | 1 | 7 | 599 | 662 | |
| 15 | Lagun Aro GBC | 8 | 1 | 7 | 563 | 638 | |
| 16 | Mad-Croc Fuenlabrada | 8 | 1 | 7 | 567 | 654 | |
| 17 | Cajasol | 8 | 1 | 7 | 524 | 651 | |
| 18 | Manresa Assignia | 8 | 0 | 8 | 583 | 692 |
