Njarðvík og Breiðablik mættust í æfingaleik í Ljónagryfjunni í gærkvöldi þar sem heimamenn í Njarðvík fóru með öruggan 97-72 sigur af hólmi.
Á heimasíðu Njarðvíkinga segir um leikinn:
Okkar menn í grænu tóku forystu snemma í leiknum en Blikar börðst vel og áttu góða spretti.
Ljónin voru fullskipuð í kvöld að frátöldum Kristni Pálssyni sem er erlendis með íslenska A-landsliðinu. Njarðvíkurliðið heldur svo til Svíþjóðar á fimmtudagsmorgun í æfinga- og keppnisferð.
Eins og vænta mátti var haustbragur á sumum aðgerðum kvöldsins en okkar menn komu til leiks uppi á tánum og vildu gera vel á varnarendanum.
