Hér fyrir neðan eru nokkur af þeim atriðum sem Körfunni hafa borist til eyrna á síðustu dögum er varða leikmenn, þjálfara og félög á Íslandi. Tekið skal fram að hér er um að ræða óstaðfestar fregnir og því ber að taka þeim sem slíkum.
- Ægir Þór Steinarsson er sagður íhuga heimkomu, en Stjarnan og Njarðvík eru talin líklegust, fari svo að hann verði á Íslandi
- KR er sagt hafa unnið kapphlaupið um fyrrum leikmann ÍR, Jordan Semple, en nokkur lið deildarinnar hafa samkvæmt orðrómi verið á eftir honum í sumar, þar á meðal Keflavík og Haukar
- Styrmir Snær Þrastarson er sagður hafa hafnað bæði Tindastól og Þór og að hann sé nú næsta örugglega að fara aftur út til Davidson
- Jón Axel Guðmundsson er sagður hafa hafnað tilboði Þórs á dögunum, talið er líklegt að hann reyni að vera fyrir utan landsteina Íslands áfram, en fari svo að hann komi heim er gert ráð fyrir veglegu tilboði úr Grindavík
- Þórsarar eru sagðir hafa sett meiri kraft í að reyna að fá bakvörð Breiðabliks Hilmar Pétursson eftir að ljóst varð að hvorki Jón Axel né Styrmir kæmu nú í sumar
- Þá eru Þórsarar einnig sagðir eiga í viðræðum við fyrrum leikmann Hrunamanna Clayton Ladine, en ÍR og Höttur hafa einnig verið sögð á eftir honum
- Bróðir Hilmars, Sigurður Pétursson, er sagður líklegur til þess að vera áfram hjá Breiðablik þrátt fyrir áhuga margra liða
- Oddur Rúnar Kristjánsson mun samkvæmt orðrómi enn ekki vera viss með hvar hann verður næsta vetur í Subway deildinni, en ÍR, Haukar og Breiðablik hafa öll verið nefnd til sögunnar sem mögulegir áfangastaðir
- Enn eru háværar raddir þess efnis að leikmaður Grindavíkur Kristinn Pálsson muni halda í heimahagana í Njarðvík fyrir komandi tímabil, en þó hefur hann einnig verið orðaður við flutninga í BNXT deildina í Hollandi/Belgíu
- Bakvörður deildarmeistara Ármanns í fyrstu deildinni Thelma Lind Bjarkadóttir er sögð afar eftirsótt af liðum í fyrstu og Subway deild kvenna, þar sem að KR, ÍR, Fjölnir og Grindavík hafa öll verið nefnd til sögunnar sem mögulegur áfangastaðir
- Erlendur leikmaður ÍR úr fyrstu deildinni Gladiana Aidaly Jimenez er sögð líkleg til þess að fylgja þjálfara sínum Kristjönu Eir Jónsdóttur yfir til Fjölnis í Subway deildinni
- Þróttur Vogum eru sagðir stórhuga fyrir komandi tímabil í annarri deildinni, þar sem að Arnór Sveinsson úr Keflavík, Ingvi Þór Guðmundsson úr Grindavík og Elías Bjarki Pálsson úr Njarðvík hafa allir verið orðaðir við liðið
- Ólíklegt er að lykilmaður Þróttar frá síðasta tímabili Arnór Ingi Ingvason verði með liðinu, en hann er orðaður við styrktarþjálfarastöðu í Grindavík
- Þá er Gabríel Sindri Möller einnig sagður hafa yfirgefið Þrótt, en hann er víst fluttur til Gautaborgar í Svíþjóð
- Þröstur Leó Jóhannsson leikmaður Keflavíkur er næsta öruggur til þess að leggja skóna á hilluna nú í sumar
- Annar liðsfélagi hans í Keflavík Almar Guðbrandsson er einnig sagður líklegur til þess að hætta eða ganga til liðs við Þrótt Vogum áður en næsta tímabil fer af stað
- Leikmaður Þórs Ísak Júlíus Perdue er sagður á leið til Selfoss eða Hamars í fyrstu deildinni
- Þá er Danil Kirjanovski leikmaður ÍR einnig sagður íhuga það að ganga til liðs við Hamar
- Leikmaður Selfoss Ísar Freyr Jónasson er sagður taka annað tímabil með félaginu þrátt fyrir áhuga nokkurra félaga í fyrstu og Subway deildinni
- Þá er Björn Kristjánsson hjá KR einnig sagður íhuga það að leggja skóna á hilluna
- Liðsfélagi hans hjá KR Brynjar Þór Björnsson er einnig samkvæmt orðrómi sagður líklegur til þess að annaðhvort ganga til liðs við Íslandsmeistara Vals eða leggja skóna á hilluna
Orðið á götunni er einungis til gamans og ef fólk hefur ábendingar um slúður skal hafa samband á [email protected]
