Ólafur Helgi Jónsson fyrrum leikmaður karlaliðs Njarðvíkur verður aðstoðarþjálfari hjá Einari Árna Jóhannssyni með Njarðvíkurliðið í Bónus-deild kvenna á komandi leiktíð.
Ólafur Helgi er því mættur aftur til starfa í félaginu eftir að hafa lagt skóna á hilluna sem leikmaður. Eins og flestum ætti að vera kunnugt þá er Ólafur Helgi borinn og barnfæddur Njarðvíkingur sem hefur áður þjálfað í yngri flokkum félagsins.
