Í kvöld fer fram einn leikur í Dominosdeild karla þegar Njarðvík og KR mætast í Ljónagryfju þeirra Njarðvíkinga. Heimamenn hafa nú ekki riðið feitum hesti frá viðureignum sínum þetta árið í úrslitakeppninni heima fyrir. Töpuðu báðum leikjum sínum gegn Stjörnumönnum og þurfa svo sannarlega sigur í kvöld gegn KR. Íslandsmeistararnir geta hinsvegar komið sér í vænlega stöðu með sigri í kvöld. Leikurinn hefst kl 19:15.
Í 1.deildinnii fara fram tveir leikir í úrslitakeppninni þegar Skallagrímur og Valur mætast í Borgarnesi og á Skaganum mætast ÍA og Fjölnir. Fjölnismenn og Skallagrímur geta með sigrum í kvöld tryggt sig í úrslitaeinvígið um laust sæti að ári í Dominosdeildinni. Leikirnir hefjast líkt og venjulega kl 19:15.
