Njarðvíkingar styrkja sig fyrir komandi átök í Bónusdeildinni og hafa samið við tvo spennandi leikmenn. Þetta eru þeir Alexander Smári Hauksson og Isaiah Coddon.
Alexander Smári er tvítugur bakvörður sem hefur verið viðloðinn yngri landslið Íslands. Hann lék síðast í norsku úrvalsdeildinni og þar áður í bandaríska háskólaboltanum.
Bakvörðurinn Isaiah er 28 ára Bandaríkjamaður með íslenskt ríkisfang, sem hefur áður leikið með Skallagrím, Haukum og nú síðast Álftanesi hér á landi.
