Njarðvík hefur samið við Brittanny Dinkins um að leika með liðinu á komandi tímabili í Bónusdeild kvenna.
Brittanny er íslensku körfuboltaáhugafólki mörgum kunn, en hún lék fyrir Keflavík 2017-19 og fyrir Fjölni 2022-23. Hún er þrítug og útskrifaðist frá Southern Mississippi árið 2017 en ásamt Íslandi hefur hún síðan leikið fyrir félög í Þýskalandi, Spáni, Sviss, Chile, Jórdaníu og Egyptalandi.
