10:42
{mosimage}
Utah Jazz hafði nauman 100-95 sigur á Chicago Bulls í NBA deildinni í nótt þar sem Mehmet Okur hélt áfram að láta ljós sitt skína í fjarveru Carlos Boozers. Okur gerði 20 stig og tók 5 fráköst gegn Bulls í gær en næstur honum í liði Jazz var Derek Fisher með 19 stig. Hjá Bulls var Kirk Hinrich með 26 stig og Luol Deng gerði 23. Leikurinn var sýndur í beinni útsendingu á NBA TV í nótt.
Bulls höfðu yfir að loknum 1. leikhluta 24-25 en góður annar leikhluti hjá Jazz breytti stöðunni í 57-43 og því fór annar leikhluti 33-18 fyrir Jazz. Okur reyndist betri en enginn undir lok leiksins þegar hann gerði 12 af síðustu 14 stigum Jazz í leiknum. Hann lék allan fjórða leikhluta með 5 villur og var því að hafa hægt um sig í vörninni en það kom ekki að sök og Jazz hafði að lokum góðan sigur. Án Boozer eru Utah búnir að leika fjóra leiki, tapa einum og vinna þrjá.
Önnur úrslit næturinnar:
76ers 100-98 Nets
Andre Iguodala 23 – Vince Carter 23
Wizards 118-108 Supersonics
Caron Butler 38 – Ray Allen 29
Hawks 83-90 Lakers
Joe Johnson 27 – Kobe Bryant 27
Pacers 98-113 Warriors
Jermaine O´Neal 24 – Stephen Jackson 36
Heat 113-93 Bobcats
Dwyane Wade 27 – Raymond Felton 20
Rockets 105-77 Timberwolves
Tracy McGrady 32 – Kevin Garnett 18
Nuggets 108-113 Suns
Carmelo Anthony með þrennu, 31 stig, 10 fráköst, 10 stoðsendingar – Amare Stoudemire 36 stig og 13 fráköst.
Kings 105-99 Hornets
Ron Artest 21 – Chris Paul 24
