10:49
{mosimage}
(Kevin Martin átti frábært tímabil í fyrra)
Kevin Martin hefur komist að samkomulagi við Sacramento um nýjan fimm ára samning. Verðmæti samningsins er talið nema um $55 milljónum. Martin átti frábært tímabil í fyrra með Sacramento og var hann með 20.2 stig í þeim 80 leikjum sem hann lék fyrir Sacramento. Hann byrjaði inná í öllum.
Sacramento hafði frest til 13. október til að setja saman nýjan samning fyrir Martin annars hefði hann orðið laus allra mála næsta sumar.
Martin, sem er 24 ára, verður einn launahæsti skotbakvörður deildarinnar en hann hefur tekið gífurlegum framförum á þeim þremur árum sem hann hefur leikið í NBA. Fyrsta tímabilið skoraði 2.9 stig, árið eftir 10.8 og í vetur 20.2.
Mesta sem hann hefur skorað er 40 stig gegn Washington á seinasta tímabili en í þeim leik skoraði hann 10 þriggja-stiga körfur.
